Fadhila za Kumswalia Mtume Muhammad (Swallaah Allaahu Aleyhi Sallaam)

*Fadhila za Kumswalia Mtume Muhammad (Swallaah Allahu Aleyhi wa Sallaam)*

➡Allaah (Subhaanahu wa Ta'ala) Anasema⤵

إِنَّ اللَّـهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

Hakika Allaah na Malaika Wake wanamswalia Nabiy. Enyi walioamini mswalieni na msalimieni kwa maamkizi ya amani na kwa tasliymaa. 
↪Surat Al-Ahzaab Aya ya 56.

✅Maana ya Allaah (Subhaanahu wa Ta'ala) Kumswalia Mtume Muhammad (Swalla Allaahu 'alayhi wa aalihi wa sallam): *Ni kumsifia kwa Malaika, kumteremshia rahmah na baraka, fadhila nakadhalika.*

✅Maana ya Malaika Wake kumswalia Mtume Muhammad (Swalla Allaahu 'alayhi wa aalihi wa sallam) ni kumuombea kwa Allaah (Subhaanahu wa Ta'ala)  *du’aa Amghufurie na Amteremshie baraka.* 

✅Maana ya Waumini kumswalia Mtume Muhammad (Swalla Allaahu 'alayhi wa aalihi wa sallam) ni *kumuombea kwa Allaah (Subhaanahu wa Ta'ala) du’aa na amani.*

➡Juu ya hivyo Waumini kumswalia Mtume Muhammad (Swalla Allaahu 'alayhi wa aalihi wa sallam) inawarudia wenyewe thawabu tele kutokana na fadhila zilizotajwa katika Hadiyth kadhaa za Mtume Muhammad  (Swalla Allaahu 'alayhi wa aalihi wa sallam), miongoni mwazo ni⤵

عنْ عبد اللَّه بن عمرو بن العاص رضي اللَّه عنْهُمَا أنَّهُ سمِع رسُول اللَّه صَلّى اللهُ عَلَيْهِ وسَلَّم يقُولُ: ((مَنْ صَلَّى عَلَيَّ صَلاَةً، صَلَّى اللَّهُ عَلَيْهِ بِهَا عشْراً))  رواهُ مسلم

Imetoka kwa 'Abdullaah bin 'Amru bin Al'-Aasw (رضي الله عنهما)  kwamba kamsikia Rasuli wa Allaah (صلى الله عليه وآله وسلم) akisema: ((Atakayeniswalia mara moja, Allaah Atamswalia mara kumi))
↪Imepokelewa na Imaam Muslim

*Al-Hadithi*

عن ابن مسْعُودٍ رضي اللَّه عنْهُ أنَّ رسُول اللَّهِ صَلّى اللهُ عَلَيْهِ وسَلَّم قال: ((أَوْلى النَّاسِ بي يوْمَ الْقِيامةِ أَكْثَرُهُم عَليَّ صلاةً)) رواه الترمذي وقال: حديثٌ حسنٌ

Imetoka kwa Ibn Mas'uwd (Radhwiya Allaahu 'anhu) kwamba Rasuli wa Allaah (Swalla Allaahu 'alayhi wa aalihi wa sallam) amesema: ((Watu wa mwanzo kwangu (watakaokuwa karibu yangu) siku ya Qiyaamah ni wale wanaoniswalia sana)) 
↪Imepokelewa na Imaam At-Tirmidhy na kasema ni Hadiyth Hasan

*Al-Hadithi*

عنْ أبي هُريْرةَ رضي اللَّه عنهُ أنَّ رسُولَ اللَّه صَلّى اللهُ عَلَيْهِ وسَلَّم قال: ((ما مِنْ أحد يُسلِّمُ علَيَّ إلاَّ ردَّ اللَّه علَيَّ رُوحي حَتَّى أرُدَّ عَليهِ السَّلامَ)) رواهُ أبو داود بإسناد صحيحٍ

Imetoka kwa Abuu Hurayrah (رضي الله عنه) kwamba Rasuli wa Allaah (صلى الله عليه وآله وسلم) amesema: ((Hapana yeyote atakayeniswalia ila Allaah Hurudishia mimi roho yangu hadi nimrudishie salaam (huyo aliyenisalimia)))
↪Imepokelewa na Imaam Abuu Daawuwd kwa Isnaad Hasan

✅Ndugu zangu katika Imaani, Tumuombe Allaah atujaalie tuwe ni wenye kuzipata fadhila hizi kwa Kumswalia kwa wingi Mtume wetu Muhammad (Swallaah Allahu Aleyhi wa Sallaam).

Na Allaah anajua zaidi

Imeandaliwa na *Imaam Masjid Tawbah*

https://ift.tt/2Q9EFr2

https://ift.tt/2Vect4b i live islam