Inaonyesha machapisho yaliyo na lebo firqatunnajia. Onyesha machapisho yote
Inaonyesha machapisho yaliyo na lebo firqatunnajia. Onyesha machapisho yote
Alhamisi, 16 Mei 2019
Ni nani anatakiwa kuwafunza wanawake?
Kipindi cha mwisho imekuwa ni jambo la kawaida hapa Dameski kwa wanawake kwenda misikitini katika nyakati maalum kwa ajili ya kusikiliza darsa inayotolewa na mwanamke. Kwa madai yao eti wanawaita wanawake hawa ”walinganizi wa kike” (الداعيات). Hilo ni jambo lililozuliwa ambalo halikuwa wakati wa Mtume (Swalla Allaahu ´alayhi wa sallam) wala katika wakati wa wema waliotangulia. Wanachuoni wema ndio wanaotakiwa kuwafunza wanawake sehemu maalum, kama ilivyo katika Hadiyth hii, au msikitini pamoja na wanaume, wakiwa ni wenye kutengana na wanaume ikiwa jambo hilo litawezekana. Vinginevyo watashindwa na wanaume na hawatoweza kujifunza wala kuuliza.
Hii leo kukipatikana mwanamke ambaye ana kitu katika elimu na uelewa uliochukuliwa kutoka katika Qur-aan na Sunnah, basi hakuna neno akawa na kikao maalum nyumbani kwake au katika nyumba ya mmoja wao. Hilo ni kheri kwao. Ni vipi isiwe hivyo ilihali Mtume (Swalla Allaahu ´alayhi wa sallam) amesema kuhusu swalah ya mkusanyiko ya wanawake msikitini:
”Msiwazuie vijakazi wa Allaah kutokamana na misikiti ya Allaah. Nyumbani zao ni bora kwao.”?
Jambo likiwa hivi juu ya swalah ambayo ni lazima kwa mwanamke wa Kiislamu kulazimiana na adabu na heshima zaidi kuliko anavofanya kwenginepo, ni vipi basi elimu isiwe kwenye majumba? Hili khaswa kwa kuzingatia ya kwamba baadhi yao ni wenye kunyanyua sauti zao msikitini mpaka zikawa mbaya na zenye kusemwa vibaya. Kwa masikitiko makubwa haya tumeyashuhudiana wenyewe na kuyaona.
http://bit.ly/2VHuMUa
Yote mawili ni Sunnah
Swali: Katika hafla za karama ya ndoa ni jambo limewekwa katika Shari´ah kwa wanawake kupiga dufu. Je, wakati wanawake wanafanya hivo imewekwa katika Shari´ah kwa wao kucheza?
Jibu: Ndio. Wacheze na kupiga dufu. Yote mawili ni Sunnah.
http://bit.ly/2YtFOJu
8. Wafanyakazi wanaovaa mavazi yasiyokuwa ya Shari´ah kwenye mahospitali
Swali 08: Baadhi ya wafanya kazi wa hospitalini katika madaktari, wauguzi wa kike au wenye kufanya kazi ya usafi wanavaa mavazi ya kubana na wanaacha wazi sehemu ya juu ya kifua, mikono yao na miundi yao. Ni ipi hukumu ya Shari´ah katika hayo?
Jibu: Ni wajibu wa madaktari wa kike, wauguzi wa kike na wafanya kazi wa kike kumcha Allaah (Ta´ala) na wavae mavazi ya heshima yasiyoonyesha muundo wa viungo vyao vya mwili au vile viungo visivyotakiwa kuonekana. Bali inatakiwa iwe vazi pana – lisiwe la wasaa sana wala lenye kubana – lenye kuwasitri sitara ya Kishari´ah. Mavazi hayo ni yenye kuwazuia kutokamana na sababu ya fitina. Hayo ni kutokana na zile Aayah mbili zilizotangulia katika jibu la swali la saba[1]. Mtume (Swalla Allaahu ´alayhi wa sallam) amesema:
“Mwanamke ni ´Awrah.”
“Kuna watu aina mbili wa Motoni sijawaona; wanaume walio na bakora kama mkia wa ng´ombe ambazo wanawapiga kwazo watu, na wanawake waliovaa vibaya, uchi, Maaylaat na Mumiylaat. Vichwa vyao ni kama nundu ya ngamia. Hawatoingia Peponi na wala hawatonusa harufu yake. Harufu yake inapatikana umbali wa kadhaa na kadhaa.”
Ameipokea Muslim katika “as-Swahiyh” yake. Haya ni matishio makali.
Wanaume waliyoko mikononi mwao na bakora ni wale wenye kuyasimamia mambo ya watu na matokeo yake wanawapiga pasi na haki katika mapolisi, wanajeshi au wengineo. Lililo la wajibu kwao wasiwapige watu isipokuwa kwa haki.
Kuhusu wanawake waliovaa vibaya ni wale waliovaa wakiwa uchi mavazi yasiyositiri ima kwa sababu mavazi hayo ni mafupi au kwa sababu ni yenye kubana. Wao wamevaa kwa uinje lakini ukweli wa mambo wako uchi. Kwa mfano wameacha wazi vichwa vyao, vifua vyao, miundi yao au viungo vyenginevyo katika miili yao. Yote haya ni aina ya kuwa uchi.
Lililo la wajibu ni kumcha Allaah katika hilo na kutahadhari kutokamana na kitendo hichi kiovu. Mwanamke anapaswa awe ni mwenye kujisitiri na awe mbali na sababu zinazopelekea kuwafitinisha wanaume. Wanawake wanatakiwa kuyatendea kazi hayo na wawe ni wenye kuvaa nguo za heshima ili waije kuigizwa. Ni wajibu kwa daktari, tabibu, mgonjwa na muuguzi kumcha Allaah. Kadhalika muuguzi wa kiume na wa kike wote hawa wanatakiwa kumcha Allaah. Kama ambavo madaktari wa kiume na wauguzi wa kiume pia wanatakiwa kumcha Allaah katika hayo na awe wenye kujiheshimu na wenye kujisitiri hali ya kujiweka mbali na sababu za fitina.
[1] Tazama http://firqatunnajia.com/7-wanaume-kupeana-mikono-na-wanawake-mahospitalini/
http://bit.ly/2Yw4wsK
Ameweka nadhiri ya kufunga akipatikana nduguye aliyepoea
Swali: Kuna mwanamke aliweka nadhiri ya kufunga kwa ajili ya Allaah masiku kadhaa akionekana mmoja katika ndugu zake ambaye alipotea katika moja ya vita. Lakini kumeshapita miaka kumi na nne mpaka hivi sasa na hajaonekana. Dhana yenye nguvu ni kwamba alikufa. Je, ni lazima kutimiza nadhiri yake?
Jibu: Akipatikana basi afunge. Lakini midhali hajaonekana haimlazimu kufunga. Akionekana itamlazimu kutimiza nadhiri yake.
http://bit.ly/2w2XKym
Jumatano, 15 Mei 2019
Hongereni wafungaji
Ndugu! Sisi tuko katika mwezi wa Ramadhaan uliobarikiwa ambao ndio bwana wa miezi na ambao Allaah ameuteua kuteremsha Qur-aan ndani yake. Ameuteua funga ndani yake iwe ni moja katika nguzo tano za Uislamu ambayo Uislamu hauwezi kusimama na kunyooka isipokuwa kwayo. Hongera kwa yule ambaye atamtakasia nia yake kwa Allaah. Hongera kwa yule atakayefunga hali ya kumtakasia nia Allaah na akafunga kwa kuamini, kutaraji, kupenda na kutaka mwenyewe. Mtume (Swalla Allaahu ´alayhi wa sallam) amebashiri ya kwamba inafuta madhambi. Imethibiti kwa al-Bukhaariy na Muslim kupitia kwa Abu Hurayrah (Radhiya Allaahu ´anh) aliyesimulia kuwa Mtume (Swalla Allaahu ´alayhi wa sallam) amesema:
”Mwenye kufunga Ramadhaan kwa imani na kwa matarajio basi atasamehewa madhambi yake yaliyotangulia.”
Hii ni bishara njema kwa kila muislamu aliyefunga midhali atatekeleza masharti haya; akafunga kwa kuamini Allaah na Mtume wake, uwekwaji wake katika Shari´ah, kuamini thawabu zake, kwa kunuia, kupenda na kutaka mwenyewe. Asifunge kwa sababu ya kujionyesha, kufuata kibubusa wala kuwafuata watu wengine. Mfungaji anapaswa kujiepusha na madhambi makubwa. Mtume (Swalla Allaahu ´alayhi wa sallam) amesema katika Hadiyth Swahiyh:
“Swalah vipindi vitano, ijumaa moja hadi nyingine na Ramadhaan moja hadi nyingine ni vyenye kufuta yaliyo baina yake midhali mtu ni mwenye kujiepusha na madhambi makubwa.”
Allaah anasamehe makosa ya mtu midhali ni mwenye kujiepusha na madhambi makubwa. Madhambi makubwa ni yale yenye kupelekea mtu akaadhibiwa hapahapa duniani au akatishiwa matishio makali huko Aakhirah kama mfano wa kutiwa Motoni, kulaaniwa, kughadhibikiwa au akavuliwa imani kama vile wizi, uzinzi, unywaji pombe, kuwaasi wazazi wawili, kuwakata ndugu zako, kula ribaa, rushwa, usengenyi, kuenea uvumi, kushambulia damu za watu, mali za watu, kuvunja heshima za watu, kutumia vibaya haki za watu, kuuza bidhaa kwa viapo vya uongo, kuficha kasoro za bidhaa na mengineyo. Ni lazima kwa mtu akaacha madhambi makubwa kama haya.
Miongoni mwa madhambi makubwa pia ni kuchelewesha swalah mpaka ukatoka wakati wake. Kwa mfano mtu akachelewesha swalah ya Fajr na akaiswali baada ya jua kuchomoza. Akachelewesha Dhuhr na akaikusanya pamoja na ´Aswr. Akaswali ´Aswr pale jua linapokaribia kuzama. Matendo haya ni katika madhambi makubwa. Allaah anafuta makosa ya mtu maadamu atakuwa ni mwenye kujiepusha na madhambi makubwa na pindi atapokuwa ni mwenye kumwamini Allaah na Mtume wake. Kwa msemo mwingine amefunga kwa kuamini na kutaraji na kunuia thawabu.
http://bit.ly/2Hr8jkh
Jisajili kwenye:
Machapisho (Atom)