TIF na UAE: Ugawaji wa chakula Pemba.

Kwa mara nyengine tena Taasisi ya The Islamic Foundation kwa ushirikiano na Ubalozi wa Falme Za Kiarabu UAE umeweza kugawa chakula cha Iftar kwa Kaya 100 katika vijiji vya Kengeja Kusini Pemba Na Wete kaskazini Pemba.

Waisilamu Hao wameishukuru Falme za Kiarabu UAE pamoja na wenyeji wao Taasisi ya The Islamic Foundation kwa kuwakumbuka kwa sadaka hio kipindi hiki cha mwezi mtukufu wa Ramadhan .Zoezi hilo lilisimamiwa na kuorodheshwa na Mkurugenzi wa Mkoa wa Dar Es Salaam anayeiwakilisha Taasisi ya The Islamic Foundation ndugu Abubakar Nkungu.

http://bit.ly/2Qqj6PJ

TIF na UAE watoa msaada wa chakula Dar es Salaam

TAASISI ya The Islamic Foundation kwa kushirikiana Umoja wa nchi za falme za kiarabu UAE wametoa msaada wa vyakula wa tani zaidi ya 40 kwa watu zaidi ya 700 wasiojiweza kuanzia wazee, wajane, watu wenye ulemavu pamoja na watu wenye uhitaji.

Msaada huo umetolewa jijini Dar es salaam ambapo msaada umeshuhudiwa na Mkuu wa Mkoa wa Dar es salaam pamoja na Sheikh wa Mkoa wa Dar es salaam Alhad Mussa Salum ambapo msaada huo umejumuisha mahitaji mbalimbali ikiwemo mchele kg 20 unga wa sembe kg 20 maharage kg 10 sukari kg 5 pamoja na mafuta ya kupikia lita 3 ambapo msaada huo umekabidhiwa na naibu balozi wa umoja wa falme za kiarabu UAE Mohamed Ibrahim Al bahri.

lengo likiwa ni kuweza kutoa ushirikiano wa karibu kwa serikali katika kuwahudumia wananchi wa Tanzania katika masuala ya huduma za kijamii ikiwemo kutekeleza miradi ya kutibu moyo watoto wadogo.

Akizungumza na wanahabari katika zoezi hilo la ugawaji wa msaada naibu balozi wa umoja wa falme za kiarabu UAE Mohamed Ibrahim Al bahri amesema kuwa msaada huo ni moja kati ya miradi wanayo itekeleza kwa nchi ya Tanzania lengo likiwa ni kuweza kutoa ushirikiano wa karibu kwa serikali katika kuwahudumia wananchi wa Tanzania katika masuala ya huduma za kijamii ikiwemo kutekeleza miradi ya kutibu moyo watoto wadogo.

Kwa upande wake Mwenyekiti wa taasisi ya The Islamic Foundation Aref Nahdi amesema kuwa msaada huo ni juhudi za taasisi ya The Islamic Foundation za utekelezaji wa miradi wanayopatiwa na wahisani na wao kuwafikishia wahitaji kwa wakati.

Mkuu wa Mkoa wa Dar es salaam Paul Makonda akizungumza katika zoezi hilo liloandaliwa na Taasisi ya The Islamic Foundation yenye Makao yake Makuu Mjini Morogoro amewata viongozi wa dini kuzidi kusimamia Amani ya nchi.

Aidha amepongeza ushirikiano huo wa Falme za Kiarabu pamoja nchi ya Tanzania ambao unasaidia kuimarisha mahusiano

Huo ni muendelezo wa ugawaji wa misaada mbalimbali kwa wahitaji zoezi ambalo limekuwa likitekelezwa na taasisi ya The Islamic Foundation mara kwa mara kupitia wahisani wa ndani na nje ya nchi ambapo mara hii imefanikiwa kugawa kikapu hicho cha chakula kwa ajili ya matumizi ndani ya mwezi mtukufu wa ramadhani.

Kwa undani zaidi wa tukio hili endelea kufutilia vyombo vyetu vya Habari vya Imaan

http://bit.ly/2Hryit4

Kishk: Mashindano ya mwaka huu yatakuwa ya kipekee, In shaa Allah

Siku mbili kabla ya kufanyika kwa mashindano ya kuhifadhi Qur’an ya Afrika yanayoandaliwa na taasisi ya Al-Hikma Foundation, Mwenyekiti wa mashindano hayo, Sheikh Nurdin Kishk amesema yatakuwa ni ya kipekee kwani kuna makundi mapya ya washindi na zawadi vimeongezwa.

Katika mahojiano maalum na gazeti hili, kuelekea mashindano hayo yatakayofanyika Jumapili ya Mei 19 katika Uwanja wa Taifa wa Dar es Salaam, Sheikh Kishk alisema, mshindi wa kwanza wa msimu huu atapatiwa shilingi milioni 20 na safari ya Hijja.

Aidha, Sheikh Kishk alisema, endapo mshindi wa kwanza atakuwa ni.Mtanzania, pia atapatiwa kiwanja katika eneo la Kigamboni jijini Dar es Salaam.

“Endapo mshindi wa kwanza atakuwa ni Mtanzania atapatiwa zawadi ya kiwanja katika eneo la Kigomboni aanze maisha. Hii ni kwa sababu sharia za nchi haziruhusu mshindi ambaye ni raia wa nje kumiliki ardhi,” alisema Sheikh Kishki.

Walimu nao kuzawadiwa

Pia Sheikh Kishk alisema, kwa mara ya kwanza katika msimu huu walimu wa washindi watatu wa juzuu 20, kila mmoja atazawadiwa kiwanja katika eneo la Kigamboni jijini Dar es Salaam. Kwa upande wa mshindi wa kwanza wa juzuu 20, yeye atapatiwa zawadi ya kwenda Umrah nchini Saudi Arabia.

Zawadi kwa watakaohudhuria
Aidha, Sheikh Kishk alisema kuwa, mwaka huu kutakuwa na zawadi ya kwenda Umrah nchini Saudi Arabia kwa watu wanne watakaohudhuria uwanjani na kujibu maswali yatakayoulizwa kwa usahihi.

Kishk alisema washindi hao wanne watapatikana kutoka majukwaa manne yaliyomo ndani ya uwanja huo wa Taifa kwa kila jukwaa kutoa mshindi mmoja.

Rais Magufuli mgeni rasmi
Kuhusu mgeni rasmi, Sheikh Kishk alisema, anatarajiwa kuwa ni Rais wa Jamhuri ya Muungano wa Tanzania, Dkt. John Magufuli ambaye tayari ameshathibitisha kuhudhuria.

Sheikh Kishk alitaja wageni wengine wanaotarajiwa kuhudhuria kuwa ni Makamu wa Rais wa Jamhuri ya Muungano wa Tanzania, Samia Suluhu Hassan, Waziri Mkuu Majaliwa Kasim Majaliwa, Mawaziri, wabunge na viongozi wengine wa Serikali.

Wageni wengine ni pamoja na Rais Mstaafu wa Awamu ya Pili ambaye pia ndiyo mlezi wa Al-Hikma Foundation, Mzee Ali Hassan Mwinyi na Rais Mstaafu wa Awamu ya Nne, Dkt. Jakaya Kikwete.

Ugeni kutoka nje
Kwa upande wa nje ya nchi, Sheikh Kishk alisema anatarajia kuwa Mtendaji Mkuu wa Serikali ya Saudi Arabia, Dkt. Swaleh Abdul-aziz Al Shaikh atahudhuria. Dkt Swaleh ndiye aliyekuwa mgeni rasmi mwaka jana katika mashindano ya 19 ya Alhikma Foundation akimuwakilisha Imamu Mkuu wa Misikiti Mitukufu Miwili ya Makka na Madina, Sheikh Abdul Rahman Sudais.

Katika moja ya ahadi zake mwaka jana, Dkt. Al Shaik aliahidi ujenzi wa chuo kikuu cha Kiislamu hapa nchini, jambo ambalo Sheikh Kishk amesema anatumai mgeni huyo atalitolea ufafanuzi siku hiyo ya Jumapili.

Katika mashindano hayo, jumla ya washiriki 20 kutoka nchi mbalimbali
barani Afrika watashindana ambapo kwa upande wa Tanzania kutakuwa na washindi watatu.

http://bit.ly/2LYNgL8

Naibu Sheikh mkoa wa Morogoro aitembelea TIF

Kaimu Sheikh wa Mkoa Morogoro Sheikh Twaha Saleh Kilango na Katibu a BAKWATA mkoa Shk Ahmed Khairallah walipotembelea ofisini kwa Mwenyekiti wa The Islamic Foundation Aref Nahdi, ziara fupi ilokuwa na lengo la kuimarisha umoja na ushirkiano baina ya waislamu.

http://bit.ly/2LEuGIj
via IFTTT

TIF na UAE watoa msaada wa chakula

TAASISI ya The Islamic Foundation kwa kushirikiana Umoja wa nchi za falme za kiarabu UAE wametoa msaada wa vyakula, tani 29 kwa watu Zaidi ya 500 wasiojiweza kuanzia wazee, wajane pamoja na watu wenye ulemavu huku zaidi ya shilingi milioni 70 zikitumika kufanikisha zoezi la msaada huo.

huo ni moja kati ya miradi mbalimbali wanayo itekeleza kwa wanachi wa Tanzania lengo likiwa ni kuweza kutoa ushirikiano wa karibu kwa serikali katika kuwahudumia wananchi wa Tanzania.

Ni mwezi mtukufu wa Ramadhan ambapo kupitia mwezi huu waumini wa dini tukufu ya kiislamu mjini Morogoro wamepata neema ya kupatiwa msaada wa kikapu cha chakula chenye mjumuisho wa mchele kg 20, unga wa sembe kg 20, maharage kg 10, sukari kg 5, pamoja na mafuta ya kupikia lita 3 ambapo msaada huo umekabidhiwa na balozi wa falme za kiarabu UAE Mohamed Ibrahim Al bahri ambapo balozi huyo ameongozwa na mwenyeji wake mwenyekiti wa taasisi ya The Islamic Foundation Aref Nahdi.

msaada huo ni juhudi za taasisi ya The Islamic Foundation za utekelezaji wa miradi mbalimbali kutoka kwa wahisani na kufikisha kwa wahitaji.

Aidha akizungumza na wanahabari katika zoezi hilo la ugawaji wa msaada huo kaimu balozi huyo amesema kuwa msaada huo ni moja kati ya miradi mbalimbali wanayo itekeleza kwa wanachi wa Tanzania lengo likiwa ni kuweza kutoa ushirikiano wa karibu kwa serikali katika kuwahudumia wananchi wa Tanzania.

Kwa upande wake Mwenyekiti wa taasisi ya The Islamic Foundation Aref Nahdi amesema kuwa msaada huo ni juhudi za taasisi ya The Islamic Foundation za utekelezaji wa miradi mbalimbali kutoka kwa wahisani na kufikisha kwa wahitaji.

Mbali na hayo mwenyekiti wa Taasisi ya The Islamic Foundation alipata nafasi kumtembeza balozi huyo kwenye kituo cha cha kulelea watoto yatima kilicho chini ya Taasisi hiyo sambamba na kuwapatia msaada wa mavazi.

Katika hatua nyingine msaada wa futari umetolewa katika baadhi ya misikiti mjini Morogoro ikiwemo masjid Bukhari ambapo zaidi ya kaya 50 wamepatiwa msaada huo pamoja na masjid Muizz ambapo waumini wa msikiti huo wamepatiwa msaada wa kikapu cha chakula sambamba na kufunguliwa kisima cha maji.

Huu ni muendelezo wa ugawaji wa misaada mbalimbali kwa wahitaji zoezi ambalo limekuwa likitekelezwa na taasisi ya The Islamic Foundation mara kwa mara kupitia wahisani wa ndani na nje ya nchi ambapo mara hii imefanikiwa kugawa kikapu hicho cha chakula kwa ajili ya matumizi ndani ya mwezi mtukufu wa ramadhani.

http://bit.ly/2W4cMT6
via IFTTT